In ocasion dal 24° aniversari dal maçalizi là che a son muarts i agjents de Polizie di Stât Paulo Cragnolino, Adriano Ruttar e Giuseppe Guido Zanier, intal cors de cerimonie anuâl di memoreament, a son stâts deponûts doi regâi floreâi in bande de lapide posizionade in viâl Ungheria e al Monument a lôr dedicât in Largo Ospedale Vecchio.
A jerin lis 5.49 dai 23 di Dicembar dal 1998, cuant che un ton al à rot il cidin di une albe frede, scjassant dute la citât di Udin. La esplosion di une granade e à copât sul colp trê agjents e al ferì un cuart de Squadra Volante.
Il Capelan de Polizie di Stât di Udin al à celebrât une messe inte glesie Santo Spirito delle Suore Ancelle, in presince dai familiârs dai trê oms copâts, dal cuestôr, dal prefet, dal sindic di Udin e di poliziots e pensionâts de sezion locâl de Associazion nazionâl Polizie di Stât. (A.D.G.) – 23.12.2022
