21
Poste Italiane e à vist che di miercus ai 29 di Zenâr intai uficis postâi di Sudri e Dimpeç a tacaran i lavôrs par rindi plui modernis lis struturis e miorâ la cualitât dai servizis. I doi uficis a fasin part dal progjet “Polis – Casa dei Servizi Digitali”, par rindi plui sempliç e svelt doprâ i servizis de aministrazion publiche intai comuns sot dai 15 mil residents.
Par dut il timp dai lavôrs i citadins di Sudri e varan di lâ intal ufici postâl di Çurçuvint, intant che chei di Dimpeç a podaran doprâ l’ufici di Mediis, tal Comun di Soclêf. (a.d.g.) – 23.01.2025
