Un grant chef pe “Biblioteca di Sara”

Al nas di une idee di Davide Larise, un dai cogos di riferiment in Italie de alte cusine naturâl e sane, origjinari di Spilimberc, la serade benefiche in program joibe ai 4 des 7 di sere a vile Cigolotti di Basangjele di Vivâr, une cjase storiche dal secul Decim otâf. Ae serade “Solidarietât in vile”, il chef al cusinarà cul obietîf di judâ la “Biblioteca di Sara”, la associazion nassude in memorie di Sara Moranduzzo, muarte intal 2012, che di dîs agns in ca si interesse di libris e leturis a vôs alte in corsie, in particolâr intal repart di Pediatrie dal ospedâl di Pordenon e in diviersis struturis par anzians. (A.I.) – 03.05.2023