Judâ gjenitôrs e fîs a passâ de inciertece e de pôre di falâ ae cussience su la pussibilitât e la dibisugne di fâ erôrs par cressi e imparâ a fânt di mancul. E je la propueste di “Errare Humanum Est. Sbagliando si impara…”, un gnûf progjet de APS Klaris, sodalizi atîf in cjamp sociâl e culturâl dal 2016. La iniziative e previôt struments di cognossince par frontâ in maniere positive un probleme che al rivuarde lis fameis e che al è deventât ancjemò plui impuartant dopo la pandemie: la “pôre di falâ”. Si fasarà une schirie di ativitâts, tant che laboratoris cun fruts e fantats e conferencis publichis, tacant di martars ai 22 a Merêt di Tombe aes 8.30 sot sere. Di lunis ai 28, aes 8.30 di matine, “Errare Humanum Est” al devente ancje un program in cuatri pontadis aes 8.30 di matine su Radio Onde Furlane. (A.I.) – 21.11.2022
Un jutori par cui che al à ‘pôre di falâ’
238