Un progjet pal cuel dal Cjistiel di Glemone

Si fasarà miercus ai 29 a Palaç Clabassi, sede distacade di Udin de Sorintendence Archeologjiche, bielis arts e paisaç dal Friûl-Vignesie Julie, la presentazion dal progjet di ricualificazion dal cuel dal Cjistiel di Glemone, volût de aministrazion comunâl di cumò. Pont centrâl dal intervent al è il rapuart di interdissiplinarietât fra i varis ambits sientifics de Sorintendence, aplicâts al sît dal ex ospizi di vie Altaneto: un contest di rilevance intal nucli urban di Glemone, sul cuel dal Cjistiel dentri de prime cente murarie e plene di testemoneancis di gjenar architetonic, archeologjic e artistic. Il progjet al tacarà de metude in sigurece des muraduris dal sît interessât dal intervent. (A.I.) – 28.11.2023