Une grande rêt a supuart dal volontariât

Al è stât presentât vuê il progjet “Sportelli Fvg”, la iniziative promovude di Federvol Fvg (Federazione del Volontariato del Friuli VG) e FISH (Federazione Italiana per il Superamento dell’Handicap) che, cu la colaborazion di Confcooperative, al ativarâ 4 portelis regjonâls (intes sedis teritoriâls de organizazion cooperative) indulà che lis realtâts dal volontariât a podaran indreçâsi par vê supuart, consulence e informazions aministrativis e juridichis, une esigjence simpri plui impuartante dopo de riforme nazionâl dal tierç setôr. E je une rêt regjonâl di supuart al mont dal volontariât che, in Regjon, a conte 2.700 realtâts che a dan adun, si stime, almancul 100.000 volontaris. (A.D.G.) – 27.06.2022