Une vuide al Friûl in bici intal zardin dal Refosc

Al è plen di propuestis interessantis par grancj e piçui e di cualchi novitât il program des iniziativis estivis dal Comun di Tavagnà, organizadis in colaborazion cu la Fondazione Bon, SimulArte, lis associazions, lis realtâts economichis dal teritori e la Biblioteche comunâl. Miercus ai 28 intal zardin dal Refosc – un spazi di biodiversitât de aziende agricule Tonutti – su la piste ciclabile des Roiis, al confin tra i Comuns di Tavagnà e Reane dal Roiâl, si tignarà la presentazion dal libri di Daniele e Manuele Vidi, “Veni, Vidi… Friuli in bici”, une vuide cicloturistiche ae scuvierte dal teritori furlan cun 20 itineraris e tantis propuestis culturâls, storichis, architetonichis e naturalistichis. (A.I.) – 27.06.2023