Zornade vierte li de Citât de art e de musiche

Dut un dopomisdì, sabide ai 23, par scuvierzi la Citât de Art e de Musiche de Fondazion “Luigi Bon” di Colugne che, tra spetacui e lezions didatichis, e je pronte a vierzi lis puartis des aulis dedicadis ai arlêfs de infanzie. A son viertis di fat lis iscrizions pal an 2025/2026 ae Scuele de infanzie a orientament artistic musicâl. Des 3 dopomisdì, la zornade vierte (Open-day) di presentazion di cheste scuele uniche, pai fruts dai 3 ai 6 agns: un progjet didatic inovatîf e di nivel talian. Adun cu lis insegnantis, al sarà pussibil cognossi il percors educatîf trienâl, dulà che l’obietîf al è chel di acetâ inte vite cuotidiane la complessitât de realtât, fasintle fruibile ai fruts traviers la ricercje costante de ricjece e de bielece. (A.I.) – 22.11.2024