A Buri e rive la edizion numar 90 de “Fiere dai vins”

Anunziadis lis datis de Fiere regjonâl dai vins di Buri, une des manifestazions dal gjenar plui antighis in Italie, pronte a taiâ il travuart des 90 edizions. Pe ocasion a son in program diviersis novitâts, tant che il logo celebratîf, une mostre fotografiche par memoreâ i nûf decenis di vite e un concors leterari nazionâl par prose e poesie cun temis leâts propit al vin. La Fiere, intal contest de Vile Di Toppo-Florio, si fasarà dai 9 ai 11 di Jugn, cu la organizazion par cure de Pro Loco Buri, che e je daûr a preparâ la mostre fotografiche e e je ae ricercje di fotos des vecjis edizions. A son viertis anche lis iscrizions ae prime edizion dal premi leterari nazionâl “Di viti in vita – Poesie e vin tal cuei di Buri”, curât di Maurizio Mattiuzza. (A.I.) – 13.03.2023