A Cividât si studin lis lûs dal Puint dal Diaul pal Wwf

Ancje il Comun di Cividât al à decidût di aderî ae campagne promovude dal Wwf, “Earth Hour – Ora della Terra”, che e cjape dentri 190 Paîs in dut il mont, cul distudament simbolic des lûs di miârs di monuments, edificis, placis e stradis, par sensibilizâ lis personis sul cambiament climatic. La Zonte e à individuât il Puint dal Diaul tant che simbul par cheste iniziative. “Il cambiament climatic – e sclarìs la sindiche, Daniela Bernardi – al è un probleme che al rivuarde ducj: o volìn dimostrâ che ancje i compuartaments sempliçs di ognidun a puedin fâ la diference”. L’apontament par viodi il Puint dal Diaul intune tant che in altris timps, o sedi cun ducj i ponts lûs de iluminazion publiche studâts, al è par sabide ai 25 di Març des 8.30 di sere, par une ore. (A.I.) – 23.03.2023