Vuê i specialiscj dal Tierç Reziment Vuastadôrs di Udin, alarmâts de Prefeture di Udin, a àn fat un intervent di bonifiche di residuâts belics che a rimontin ai conflits mondiâi.
La scuadre C.M.D. (Conventional Munition Disposal) di Vuastadôrs dal Esercit che e ven di Udin, acompagnade dai Carabinîrs di Manzan, e je lade inte localitât dongje de rive diestre dal flum Nadison intal Comun di Manzan, dulà che un citadin al à alertât lis fuarcis dal ordin pe presince di un pussibil ordegn.
I Vuastadôrs a àn confermât che e jere une granade di artiliarie ancjemò ative di produzion taliane de Prime Vuere Mondiâl.
La bombe e je stade mitude in sigurece e traspuartade li de gjave Natison Scavi intal Comun di S. Zuan dal Nadison, dulà che e je stade neutralizade. (A.D.G.) – 12.06.2023
