A continuin i controi de polizie a Udin

I agjents de Polizie di Stât de Cuesture di Udin e dal Reparto prevenzione crimine Lombardia, vie pal dopomisdì e inte sere di îr, ai 8 di Novembar, a àn fat un servizi straordenari di control dal teritori inte zone dal parc Moretti.
A son stâts o identificadis 40 personis e controladis, intes viis donje, 11 auto; un citadin ucrain, di  19 agns, al è stât denunziât pal possès injustificât di un curtìs, intant che un citadin pakistan, ancje lui di 19 agns, controlât pôc prime di miezegnot dilunc vie Moretti, al è stât denunziât par detenzion di droghe dopo che al jere stât cjatât in possès di dôs dosis di 0,5 grams ognidune di cocaine, prontis par jessi vendudis.
Intant chês Che a svlis Volanti de Cuesture e altris patuliis si son concentradis su la zone de autostazion: a son stadis identificadis 156 personis e controladis 79 veturis. In chest câs a son stâts denunziâts un citadin marochin di 33 agns, fermât in vie Leopardi, che cualchi ore prime al veve robât un pâr di scarpis intune buteghe dal centri, e un citadin irakian di 27 agns par menacis. (ADG) -9.11.2022