A fûc une cusine a Cjamin di Codroip

Fûc di gnot a Cjamin di Codroip. Aes 11.30 plui o mancul, i pompîrs di Codroip, cul supuart de autobote de sede centrâl di Udin, a son intervignûts pal fûc de cusine intun apartament. I pompîrs a son rivâts a contignî lis flamis dome al locâl, dulà che a son lâts brusâts frigorifar e cualchi mobil.

Distudadis lis flamis, i pompîrs a àn bonificât e metût in sigurece la cusine e dute la cjase, doprant ancje termocjamare e rilevadôrs di monossit di carboni.

Dut a puest pai ocupants dal apartament che cuant che a son rivâts i socors a jerin za al esterni dal stabil. Lis causis dal fûc a son ancjemò sot aciertament. (A.D.G.) – 23.06.2022