A procès i aguzins di Regeni

A saran processâts i cuatri uficiâi egjizians acusâts di vê rapît, secuestrât e copât Giulio Regeni, il ricercjadôr di Flumisel cjatât muart al principi di Fevrâr dal 2016. Il Judiç pes udiencis preliminârs dal tribunâl di Rome, Roberto Ranazzi, al à acetât la domande dal procuradôr zontât di Rome Sergio Colaicco, che al à otignût il vie libar a processâ il gjenerâl Tariq Sabir, i colonei Athar Kamel e Usham Helmi e il maiôr Magdi Ibrahim Sharif. La prime udience e je fissade pai 20 di Fevrâr dal 2024. (a.d.g.) – 04.12.2023