A provin a robâ une sculture, ma e pese masse. Laris a mans vueidis

Une des sculturis dal artist Giordano Zorzi e je stade cjapade di smire dai laris. I malvivents a àn provât di robâle inte aree dilunc de statâl che di S. Pieri dai Sclavons e puarte a Pulfar, dulà che la opare di art alte doi metris e pesante 17 cuintâi, fate di piere florentine, e je stade metude intune cun altris 13 sculturis.

I malvivents a saressin jentrâts inte aree cuntun tratôr e a varessin provât a tacâ la opare – dal valôr di 60 mil euros – che, viodût il pês enormi, e je stade però movude dome di 30 centimetris.

A acuarzisi de tentade robarie al è stât l’artist stes, che al à denunziât l’episodi ai carabinîrs. (a.d.g.) – 02.02.2024