Al e’ ancjemò improibît doprâ par bevi e par fâ di mangjâ la aghe, fat daspò di un incuinament suspiet che al è stât segnalât al principi di cheste setemane.
Lis ordenancis a limitin il doprâ la aghe dome par lavâsi e a rivuardin un teritori une vore grant, ma cun pôcs residents. Dîs lis localitâts a Pulfar: Bardo, Clin, Ierep, Iuretig, Marseu, Medves, Oballa, Pozzera e Zorza; a son invezit nûf chês di Savogne: Barza, Dus, Franz, Iellina, Ieronizza, Losaz, Masseris, Montmaiôr, Stefenig e Stermizza.
Par limitâ l’incomut il Cacf al à inviât îr une distribuzion di emergjence puartant mil confezions di trê litris di aghe par ogni persone dai nuclis des fameis cjapadis dentri dal probleme.
“A pene che o vin vût la prime segnalazion – al à declarât Salvatore Benigno, president di Cafc – o vin daurman inviât il protocol di sigurece. O vin subite fatis lis analisis de aghe e o vin preparât i sachets di aghe a Udin. La improibizion e sarà tirade vie dome cuant che o savarìn cuale che e je la origjin dal probleme”. (a.d.g.) – 18.10.2024
