Il Guvier talian al à comunicât la reintroduzion dai controi des frontieris internis terestris cu la Slovenie, su la base dal articul 28 dal Codiç des frontieris Schengen (Regolament Ue 2016/339). La misure e sarà metude in vore dai 21 di Otubar prossim par un periodi di 10 dîs, di podê prorogâ ai sens dal Regolament Ue 2016/339.
La restaurazion dai controi aes frontieris internis, za adotât inte aree Schengen, al è stât comunicât dal ministri talian Piantedosi al vicepresident de Comission europeane Margaritis Schinas, al comissari european ai Afârs internis Ylva Johansson, al president dal Parlament european Roberta Metsola, al segretari gjenerâl dal Consei de Union europeane Thérèse Blanchet e ai ministris dal Interni dai Stâts membris Ue e dai Paîs associâts Schengen.
L’intensificâ dai fûcs di crisi ai confins de Europe, in particolâr dopo l’atac cuintri Israêl, al à cressût di fat il nivel di menace di azions violentis ancje dentri de Union. Un cuadri agravât ancjemò di plui de pression migratorie costante che la Italie e je subiete, vie mâr e vie tiere (140 mil rivadis su lis marinis talianis, +85% a pet dal 2022). Dome inte regjon Friûl-Vignesie Julie, dal principi dal an, a son stadis individuadis 16 mil personis jentradis in maniere iregolâr sul teritori talian. (a.d.g.) – 18.10.23
