51
Il corteu cidin inmaneât dal comitât Udine Sicura, che îr sore sere al à clamât adun plui di 700 personis, al è deventât di proteste cuant che al è rivât denant di palaç D’Aronco, in place Libertà. Il president dal comitât Stefano Malignani al à fat un lunc discors par dopo incuintrâ il sindic di Udin Alberto Felice de Toni, che al jere jessût de sale Ajace. Cuant che però De Toni al è tornât dentri parcè che a jerin i lavôrs dal Consei comunâl, si è impiade la polemiche e cierts di chei che a protestavin a àn cirût di sfuarçâ il bloc de polizie.
La manifestazion dilunc des stradis de citât e jere stade pacjifiche fintremai chel moment, ma po a son tacâts côrs e siviladis. (a.d.g.) – 09.07.2024
