A Udin gnûfs cartei stradâi bilengâi

Il Comun di Udin al à anunziât gnûfs cartei stradâi in furlan dopo che la Zonte e à aprovât il progjet definitîf dai lavôrs di manutenzion straordenarie de segnaletiche bilengâl. L’intervent comunicât di Loris Michelini, Vicesindic e Assessôr ai lavôrs publics, al previôt la sostituzion di un centenâr di cartei ancjemò monolengâi, “cundut che la leç regjonâl dal 2001 relative aes lenghis minoritariis e previodi di pueste che la segnaletiche stradâl e sedi bilengâl: la autonomie dal nestri teritori e passe ancje traviers la aplicazion des normativis”. Il Comun al à vût un finanziament de Arlef di 35mil euros che, par vie dai auments dai coscj des materiis primis e de energjie, al è stât integrât cun fonts propris par un totâl di 88mila euro”. (A.I.) – 12.10.2022