65
La zonte comunâl e je pronte a inviâ une sperimentazion cu la instalazion dai prins scovaçons inteligjents che a permetin di ricognossi cui che ju dopre, soredut par judâ i condominis grancj che no àn a disposizion il spazi par meti isulis ecologjichis.
La gnove e je stade dade dal assessôr al Ambient di Udin Eleonora Meloni intant che e rispuindeve a un citadin che al domandave di doprâ ancje in citât i scovaçons inteligjents che al veve viodût in Trentin: “O confermi la sperimentazion di cheste tecnologjie – e à scrit l’assessôr -. L’obietîf al è chel di viodi cemût che e rispuindaran i citadins ae tornade dai scovaçons, che dut câs a dopraran une tessare a pueste e une App”. (a.d.g.) – 16.07.2024
