A van indenant lis ricercjis di Luciano Redivo

A van indenant cence fermâsi lis ricercjis di Luciano Redivo, l’om di 78 agns resident inte zone di Lavorêt, che îr si è slontanât di cjase cu la sô biciclete cence tornâ indaûr.

Redivo, nassût a Pordenon, al è alt 1.70 e al pese 65 chilos. Al è cence cjavei, al è magri e nol à segns particolârs. Cuant che al è jessût al veve intor une gjachete di colôr scûr e la sô biciclete e je grise.

Par cirîlu a son in vore ancje i pompîrs di Pordenon, che intal cjamp sportîf di Lavorêt a àn inmaneât un puest di comant, di là dai carabinîrs, de polizie locâl e dai volontaris de Protezion civîl. (a.d.g.) – 14.05.2024