A van indenant a oltrance lis ricercjis dal anzian sparît di Cint

Su disposizion dal Prefet di Pordenon lis ricercjis dal pensionât di Cint (Cinto Caomaggiore) dispierdût di sabide passade a continuin fin a domenie prossime.
Vuê in Prefeture si è tignût un gnûf vertiç. Dutis lis fuarcis in cjamp a saran operativis ancje inte fin de setemane cu la base operative inmaneade in place Concuardie dongje de glesie di Sant Zorç a Cjons.
A partecipin aes operazions di ricercje ancje i volontaris de Protezion Civîl, in plene colaborazion cun dutis lis fuarcis in vore. (ADG) – 12.11.2022