Açâl licuit su di un operari tes Ferriere Nord a Osôf

Infortuni sul lavôr vuê a buinore a Riul di Osôf, dentri dai implants de Ferriere Nord. Tor 6.30 a pene tacât il turni di lavôr, un operari al è stât scotât tal braç e su la schene par vie de jessude di açâl licuit di une cjalderie di colade.

 A contâlu il segretari de Uilm Uil di Udin, Giorgio Spelat, informât di ce che al jere sucedût dai delegâts sindicâi dentri de aziende. L’om cjapât dal açâl licuit al varès patît ustions di secont e tierç grât e al sarès stât puartât tal ospedâl di Udin.

Cumò rapresentants sindicâi e delegâts ae sigurece a stan investigant su ce che al è sucedût. (a.d.g.) – 11.07.2024