Intai uficis dal Proveditorât de Aministrazion Penitenziarie pal Triveneto, ai 24 di Zenâr, il cuestôr di Udin Alfredo D’Agostino e il proveditôr dal Triveneto Aministrazion Penitenziarie, Maria Milano Franca d’Aragona, a àn firmât une convenzion in materie di violence di gjenar, daûr de prassi sugjeride dal Codiç Ros.
Su la base di cheste convenzion, ducj i Istitûts di pene presints in Venit, Trentin – Sud Tirôl e Friûl-Vignesie Julie, cun cadence mensîl o, se necessari, pes viis curtis, a comunicaran la iminente liberazion, revoche de custodie cautelâr, permes, riamission in libertât, o jessude a vari titul, dai detignûts che in provincie di Udin a vedin residence, domicili e a vedin cometût i delits previodûts dal acuardi. (A.D.G.) – 25.01.2023
