E je stade fuarte la adesion al siopar gjenerâl in dut il Friûl Vignesie Julie, cun pontis dal 80 e fintremai dal 100% in ciertis aziendis. A son chescj i prins dâts mandâts fûr di Cigil e Uil pal siopar che al va indenant par dute la zornade intai setôrs public e privât. Une vore plene fin dal principi la manifestazion fate a Pordenon, cu la int – lavoradôrs, pensionâts e zovins e ancje int dal Coordenament Salût Fvg a difese de Sanitât – che si è cjatade in place Risorgimento.
I dâts a fevelin di adesions une vore altis tal setôr metalmecanic in provincie di Pordenon: Electrolux Purcie, Nidec, Savio e Brovedani 90%, Cimolai 85%, ZML 80%, Electroux Professional 70%; ae Sodexo (mense Electrolux) 100%, Roncadin 16%, Marine Interiors (Fincantieri) 80%, Licar (setôr leg furniment) 60%. Intal setôr dal traspuart public 50% a Triest e 80% a Gurize. (a.d.g) – 29.11.2024
