Afghan blocât a Triest intant che al fiscave autos parcadis

Cjapât a Triest un om che al fiscave i veris des autos. Si trate di un afghan di 26 agns, blocât de Polizie feroviarie dopo che lu vevin viodût dâ ju’ cuntune stangje di fier, fasint dams su cetantis autos parcadis in vie Flavio Gioia.

A pene blocât dai agjents, il zovin al à fat cuintri. L’om za in passât al jere stât coinvolt intun tentatîf di robarie, fasint ancje dams; cumò si cjate in preson e al è indagât par resistence a uficiâl public, danezament e tentatîf di robarie. (a.d.g.) – 16.05.2024