59
Un afghan e un pakistan a son stâts condanâts dal tribunâl di Udin par coruzion in jutori. I doi, Aziz Husaini di 35 agns e Qaain Shah di 45 agns, a àn cjapât il prin 2 agns e 6 mês e il secont 2 agns e 3 mês par coruzion in jutori. Secont lis acusis, tra il 2018 e il 2019 Husaini, in chê volte impleât intal ufici imigrazion de Cuesture di Udin, al à profitât de sô posizion par fâ lâ indenant pratichis daûr dal paiament di centenârs di euros. A tignî i contats cui imigrâts al pensave Shah, che al cjapave di lôr i bêçs disint che al varès fat lâ plui di corse lis cjartis. Assoluzion invezit par un pakistan di 29 agns che al jere acusât di vê paiât 300 euros par sveltî lis pratichis. (a.d.g.) – 10.07.2024
