Al cine Visionario mancul straçarie di energjie e di refudums speciâi

Prime di jessi un cine di cualitât simpri al pas cui ritmis de vite contemporanie, il Visionario di Udin al è une cjase par ducj. Sedi dal pont di viste de programazion, sedi sot dal profîl struturâl e logjistic. Dopo i lavôrs de ricualificazion prime dal Covid, che a àn puartât a cinc il numar des salis, i adeguaments dilunc de emergjence sanitarie, la grande atenzion al teme de acessibilitât e il potenziament de dotazion tecnologjiche, il Visionario al è stât di pôc al centri di gnûfs impuartants lavôrs sul front de sostignibilitât. Oparis che, in graciis dai fonts dal PNRR, a puartaran a un contigniment dai coscj energjetics e ambientâi: sistemis di climatizazion plui eficients, la instalazion di panei fotovoltaics pal abatiment parziâl dai consums energjetics e la sostituzion des locandinis di cjarte cun schermis a led, la sostituzion dal proietôr de sale Astra, cumò al laser, par sparagnâ energjie eletriche e produsi mancul refudums speciâi. (A.I.) – 02.10.2023