Al cole dal scooter e al mûr devant dal pront socors

Tragjedie, inte sere sul tart ai 4 di Avost, a Sant Vît dal Tiliment. Giancarlo Piria, 63 agns, al è muart pes feridis tant gravis patidis par vie de cjadude sucedude intant che si cjatave in siele al so scooter.

L’om, stant aes des primis informazions, al podarès vê dât cuintri la isule spartitrafic che si cjate propit devant de jentrade dal ospedâl, dongje dal passaç pedonâl. Imediât l’intervent dai sanitaris, ma pal om nol è stât nuie di fâ. (A.D.G) – 05.08.2022