Al cope il fi e al prove a suicidâsi a Triest

Tragjedie intal dopomisdì a Triest intun apartament di vie Foscolo. Un om di 67 agns – di ce che si è savût – al à copât il fi, di 38 agns, e po dopo al à tentât di suicidâsi. La vitime e sufrive di disabilitât.

Stant simpri aes primis informazions, la arme doprade pal delit e po pe prove di suicidi al è un grues curtìs.

Sul puest e je intervignude la Polizie, clamade dal stes om dopo l’omicidi dal fi.

L’omicide al è ricoverât intal ospedâl di Cattinara cun feridis al pols e al cuel, ma nol è in pericul di vite. (A.D.G.) – 16.03.2023