A son cetancj i câs di influence aviarie cjatade in uciei salvadis e intun arlevament di poleçs intal Comun di Flumisel-Vile Visintine. A visâ di un tant e je stade Asugi (Azienda sanitaria Giuliano isontina), che e fevele di une situazion causade di un virus une vore infetîf.
Il câs di contaminazion dal arlevament al à sburtât lis autoritâts a istituî une zone di vigjilance intal rai di 10 chilometris de struture infete che e cjape dentri i Comuns di S. Ganzian, Turiac, S. Pieri dal Teritori e un toc di chei di Roncjis di Monfalcon, Monfalcon, Staranzan, Grau e Foian Redipulie.
Dentri di cheste zone al è improibît tignî poleçs tal viert cence che al sedi un cuviert a pueste e movi uciei di cualsisedi specie.
In dute la zone a Sud de autostrade al è improibît tignî polam tal viert, par scjampâ al risi dal infet. (a.d.g.) – 28.11.2024
