Al è tacât a Udin il procès pe muart di Lorenzo Parrelli

Al è tacât vuê il procès denant dal judiç pe udience preliminâr Carlotta Silva pe muart di Lorenzo Parrelli, il student di 18 agns dal Bearzi di Udin restât copât ai 21 di Zenâr dal 2022 li de Burimec, propit tal ultin dì dal so stage inte aziende metalmecaniche di Lauçac.

Intal procès a son imputâts Pietro Schneider, rapresentant legâl de Burimec, e i operaris Claudio Morandini e Emanuele De Cillia, che a jerin -tal ordin- chel che al veve di lâ daûr dal zovin e chel che al faseve di tutor. Ducj a àn di rispuindi di omicidi colpôs, violazion des normis su la sigurece e omission di control.

A fevelâ ai gjornaliscj de udience al è stât l’avocat Stefano Buonocore, legâl dal titulâr de aziende. (a.d.g.) – 14.05.2024