Incident mortâl a Pordenon dulà che un om di 89 agns, Josef Vazzoler resident a Purcie, al è lât jù cu la sô machine intun canâl pôc distant dal lât interni de Burida, pierdint la vite.
Al è sucedût cheste matine, tor des 10 e mieze, in vie Burida. Par causis in cors di aciertament, l’auto e je lade fûr di strade frontant un volt e, butade jù la rêt di cente, e je finide inte aghe. Sul puest a son intervignûts i sanitaris e i pompîrs di Pordenon, intune cui subacuis des Vuardiis dal fûc di Vignesie, rivâts in elicotar. Il cuarp al è stât puartât a rive pai prins socors, ma lis provis di rianimazion – ladis indenant plui o mancul par mieze ore – a son stadis dibant.
La dinamiche dal incident e je ae val de Polizie locâl de capitâl dal Friûl Ocidentâl. (a.d.g.) – 06.09.23
