Al sigûr i trê escursioniscj todescs sul Montâs

I trê turiscj de Gjermanie, partîts sabide dopomisdì par lâ al Bivac Luca Vuerich su la cjadene dal Montâs dulà passâ la gnot, a son stâts socorûts cheste gnot di bande dal Socors Alpin e de Vuardie di Finance de stazion di Rabil (Cave del Predil). I trê zovins a vevin di mangjâ e sacs a pêl, ma ancje cjalçaduris sportivis di citât e cun di plui  a jerin partîts forsit masse tart.
I vot socoridôrs a son lâts sù a pît in plui o mancul une ore e mieze e ju àn individuâts sentâts tra i crets a une altitudin di 2.300-2.400 metris in bande dal troi Ceria Merlone che a vevin cjapât in principi pierdintsi dopo, par vie dal scûr. Straneâts e disorientâts, cence torcis frontâls, a àn clamât il Nue112. L’intervent si è concludût aes 3.40 di matine. (A.D.G.) – 11.07.20222 – com