83
Un furlan di 51 agns al è lât jù vuê a buinore, tor des 7, intant che al jere in fase di jevade su lis Alps Juliis a Malborghet Valbrune e al è stât salvât di un elicotar dal socors sanitari.
A dâ l’alarme al è stât il compagn di svol, ancje lui jevât de stesse mont, che al à assistût ae cjadude. La Sores e à alertât l’elisocors regjonâl e la stazion dal Socors alpin di Rabil.
L’om al è precipitât dongje di une fortificazion a pocje distance dal ricovar Bernardinis, a cuote 1.970 metris, e si è rot un braç. L’elicotar al à rivât a disbarcjâ tecnic, medic e infermîr in bande dal ricovar, dulà che a àn cjapât sù l’infortunât par dopo traspuartâlu in svol tal ospedâl di Udin. (a.d.g.) – 23.08.23
