Alarme intune scuele: cjatât polvar, ma nol jere pericul

Moments di pôre miercus di matine ator de scuele medie “Fermi” di Udin, in vie Pradamano, dulà che une buste cun dentri polvar blanc e je stade rinvignude, pôc prime dal principi des lezions, devant di une jentrade interne. Il prin suspiet, tra il personâl, al è stât chel che si podès tratâ di antraç, par cui il dirigjent scolastic al à sierât la buste intun armaron e clamât lis fuarcis dal ordin. Domandât l’intervent de scuadre dal grup Nucleâr Radiolic Biologjic Chimic des Vuardiis dal fûc di Triest, a son tacadis lis misuris di sigurece, cul isolament des 12 personis jentradis plui o mancul in contat cu la buste. Tal dopomisdì i risultâts a àn disfantât il pericul biologjic, permetint di diliberâ de cuarantene preventive 2 carabinîrs e 10 tra docents e impleâts de scuele. (A.I.) – 09.11.2023