Alcul improibît a Udin des 9 di sere aes 8 di buinore

Il sindic di Udin Alberto Felice De Toni al à firmât vuê une ordenance indulà che si improibìs in dut il so comun la vendite di bevandis cun alcul intai esercizis publics, comerciâi e artesanâi des 9 di sere fin aes 8 di buinore. La ordenance e previôt che la improibizion e tachedi prime, tor des 6 sore sere, intal cuartîr dongje de stazion, intes viis Tullio, Leopardi, Croce, della Rosta, Europa Unita, delle Ferriere, De Rubeis, Nievo, Percoto, Battistig e Roma e intes placis Unità d’Italia e della Repubblica. Stes discors pai distributôrs automatics.

Improibide ancje de 1 di gnot aes 8 di buinore la pussibilitât di dâ di bevi alcul intai publics esercizis. (a.d.g.) – 25.06.2024