Al rive brut timp in Friûl-Vignesie Julie. Il svicinament di une marcjade depression atlantiche e favorirà intes oris prossimis l’aflùs a cuote alte di corints sudocidentâls umidis e instabilis. Lis criticitâts pussibilis leadis al brut timp a àn sburtât la Protezion civîl dal F-Vj a mandâ la decime none alerte meteo dal principi dal an.
Des 6 di doman di matine a miezegnot, a son previodudis ploie intense in particolâr inte Basse, sul Friûl orientâl, sul Cjars e inte zone di Cividât. Dilunc de marine, cun di plui, a podaran jessi burascjadis e aghe alte, acompagnadis di aiar fuart sostignût di Sud.
Lis precipitazions a continuaran ancje vinars, in mont za de matine, su la planure e su la marine plui probabile dopomisdì e soredut di sere. (a.d.g.) – 18.10.23
