Alerte pal brut timp, pôre pes burascjis su la cueste

Ancjemò une alerte pal brut timp, la vincjesime otave dal principi di chest an, pandût de Protezion civîl regjonâl. E je previodude une gnove bugade cun temporâi, burascje su la cueste e aiaron par dute la zornade di vinars ai 27 di Setembar.

A preocupâ a son soredut lis buracjis che si spietin par doman a buinore tra Lignan e Grau e la cressite dal nivel de aghe tai flums de planure, come tal câs dal Lusinç.

E vignarà ju’ une vore di ploie par cause di un grande aree depressionarie che de Europe Nord Ocidentâl e rivarà bande de Italie dal nord, cun corints umidis.

E je previodude ploie une vore fuarte su la mont, soredut su lis Alps Juliis. (a.d.g.) – 26.09.2024