Alpins e Comun di Udin aleâts cuintri la violence di gjenar

Un strisson cu la scrite “Zero Tolerance e i Alpins cuintri la violence di gjenar” al sarà esponût te façade de Loze dal Lionel di doman su iniziative de Associazion Nazionâl Alpins in colaborazion cul Comun di Udin.

“Chest strisson al fâs part di un progjet di sensibilizazion che a nô Alpins al sta tant a cûr – al declare Dante Soravito de Franceschi, president de sezion ANA di Udin –. O tignìn a sotlineâ che la ANA e je inschiriade in maniere clare cuintri la violence di gjenar. O sin ancje sigûrs che il popul furlan al dimostrarà la sô sensibilitât ancje in ocasion di cheste adunade”. (A.D.G.) – 10.05.2023