Altre bombe di avion cjatade li de stazion de Transalpine a Nova Gorica

E je stade cjatade vuê tor di misdì e mieç une altre bombe di avion no tonade di 250 chilos, te Seconde vuere mondiâl intal teren sot dal dipuesit de stazion de ferovie de Transalpine a Nova Gorica.

Par tirâle vie al tocjarà fâ une altre evacuazion de int: no si sa ancjemò trop grande che e sarà la zone di lassâ cence personis. Lis fuarcis dal ordin slovenis a àn za metude ju’ une cinturie di sigurece ator de bombe tal rai di 100 metris, intant che la polizie le ten simpri sot control. (a.d.g.) – 22.08.2024