Al sarà un Istât che no si dismentearìn masse di corse chel che al stâ par finî, par cause dal grant cjalt che dome in chestis ultimis oris al sta molant il colp.
Magari cussì no, intai ultins doi mês i câs di malatiis tropicâls puartadis dai mussats si stan moltiplicant e fasint vitimis: Dengue (virus che al veve copât une femine a Vilote di Cjons) e fiere dal West Nile a àn fat inmalâ une vore di int e costret lis Aministrazions comunâls a disinfestâ il teritori indulà che la int si jere inmalade. I ultins câs a son stâts regjistrâts a Triest, indulà che dal sigûr un om si è inmalât di Dengue, intant che un altri al è sot osservazion. Ducj i doi a àn cjapât la malatie tal forest. A visâ dal fat la Aziende sanitarie che e à ancje dit che i doi a stan avonde ben e che a vevin fat un viaç in zonis a risi. Il Comun di Triest al à dut câs inviât lis proceduris par disinfestâ dute la zone tra place Garibaldi e l’ospedâl Maggiore, che dentri chel al sarà disinfestât ancje il zardin interni. Vinars ai 5 di Setembar des 10 sot sere ae une di gnot i lavôrs. (a.d.g.) – 05.09.2024
