Incident îr di sere tor des 7.20 a Purcie, indulà che une ambulance che e coreve par une emergjence dilunc de Pontebane, e à tamponât une machine che e stave lant fûr de crosere tra vie Talponedo e vie Ceolini. Sul puest a son rivâts daurman fuarcis dal ordin, Vigjii dal Fûc e sanitaris e la strade e je stade sierade pai socors.
Il personâl de ambulance nol somee che si sedi fat nuie, intant che chei che a jerin dentri de machine, une mari cu la sô fie piçule, a son restâts blocâts inte auto poiade suntun flanc.
I pompîrs a àn rivât a tirâ fûr la piçule dal puartelon daûr e dopo vê taiât lis lamieris ancje la femine. Dutis i dôs, che no someavin feridis, a son stadis controladis dal personâl sanitari. Lis causis dal incident a son sot investigazion. (a.d.g.) – 30.01.2025