Ancje a Udin la Zornade dal Ricuart pes vitimis dal esodi di Istrie e Dalmazie

Ancje chest an la Aministrazion Comunâl di Udin e promôf une schirie di avigniments inte Zornade dal Ricuart, istituide intal 2004 in memorie des vitimis des foibis, dal esodi julian-dalmate e des vicendis dal confin orientâl. Vinars ai 10, la zornade e scomence za aes 9 di matine al teatri Palamostre cuntun aprofondiment pes scuelis. Aes 11.30 la cerimonie uficiâl intal parc Martiri delle Foibe in vie Manzini, aes 4 dal dopomisdì une cunvigne a Palaç Florio e aes 5.30 la presentazion in Sale Aiace dal libri di Enrico Folisi “Stragi e foibe” (“Maçalizis e foibis”). (A.I.) – 09.02.2023