Al è stât sielt il manifest dal nonantesim cuart radun dai alpins, dai 11 ai 14 di Mai, di gnûf a Udin daspò 27 agns. Il manifest al è il prodot de creativitât furlane, parcè che il vincidôr dal concors bandît de Ana al è Andrea De Negri di Remanzâs. Il sô studi al è stât sielt dal Consei Diretîf Nazionâl e al figure la glesie di Sante Marie, dongje dal cjistiel di Udin, cu “l’agnul dal Friûl”. Su la diestre, in prin plan, il monument al Alpin screât intal 1936, che si cjate inte caserme Di Prampero, sede de brigade alpine Julia. Sul tricolôr plui piçul a son invezit lis puartadoris cjargnelis, in omaç aes feminis che vie pe Prime vuere mondiâl a àn operât al front in Cjargne, traspuartant cu lis lôr cossis furniments e munizions. (A.I.) – 20.02.2023
206
