Ancjemò barufis e violence a Udin, scurtissât un pakistan

Îr sore sere a Udin, in Zardin grant, ae fin di une discussion simpri plui infogade, un pakistan di 22 agns al à cjapât une scurtissade te spale di un altri pakistan che po al è scjampât. I doi si jerin dâts apontament in place, ma daurman e je rivade prime la barufe pardabon fuarte e daspò le scurtissade cuntun curtìs di cusine, devant di tante int. La lame parade dentri cun fuarce si è spacade restant inte spale e daurman a son stâts clamâts i socors.

Sul puest a son rivâts, infermîrs, carabinîrs dal Radiomobile e poliziots de Cuesture. Il zovin scurtissât al è stât puartât tal pront socors dal ospedâl indulà che i àn gjavât fûr la lame de spale çampe e nol sarès in pericul di vite. (a.d.g.) – 04.07.2024