Ancjemò brut timp in Friûl

Ancjemò une ondade di brut timp sul Friûl. Des 6 di martars dopomisdì, un sisteme slargjât in forme di temporâl al à interessât la nestre regjon, causant la sdrumade di arbui e il distaponament di tetoiis su dut il teritori regjonâl. In pocjis oris, passe 500 clamadis a son rivadis ai numars di pront intervent, al Nue e al Sor: no si contin i comuns dulà che a son colâts arbui o a son stâts dams causâts dal temporâl, de zone di Spilimberc e di Manià ae Cjargne. Par vie dal brut timp, un tren al è restât blocât par cualchi ore tra Cjargne e Glemone cun 150 viazadôrs e plui o mancul 4.000 utencis a son restadis a lunc cence corint. La Protezion civîl e je al lavôr de prime serade di îr, e ancje par vuê il servizi meteo dal Osmer al previôt la pussibilitât di temporâi, ancje fuarts, de mont ae planure. (A.I.) – 19.07.2023