Ancjemò fûcs intai boscs, cheste volte a Polcenic

Al è stât distudât inte sere sul tart dai 4 di Avost, in graciis dal intervent decisîf dal elicotar de Protezione civile Fvg, il fûc boschîf svampât dopomisdì a Polcenic. Daûr dai prins aciertaments, il fugaron al varès vût doi lescjaments, element che nol fâs escludi la ipotesi dal dôl. Des cuatri e mieze dopodimisdì, i pompîrs dal comant di Pordenon a son intervignûts numerôs inte aree, a mont de ex provinciâl 29, adun cu la scuadre dal distacament di Manià, ae scuadre antifûc boschîf de sede centrâl di Pordenon, ae scuadre Aib dal comant di Udin e a une altre scuadre rivade dal distacament di Vittorio Veneto. (A.D.G) – 05.08.2022