54
La Vuardie di finance di Pordenon e à scuviert, dilunc di un control fat domenie ai 9 di Fevrâr, altris trê lavoradôrs in neri, intune pizarie di Brugnere. Si trate di un albanês, dal dut in neri, e di doi talians che par lôr ancje se cul contrat a clamade, no je stade cjatade la comunicazion obligatorie di assunzion.
Pal titulâr de pizarie e je previodude une sanzion fin a 16.500 euros e la propueste di sospension de ativitât.
Dal principi di chest an a son 24 i lavoradôrs in neri e 3 chei iregolârs scuvierts dai financîrs. Par chest a son stâts sanzionâts 15 datôrs di lavôr e fatis 6 propuestis di sospension de ativitât, mandadis al ispetorat dal lavôr. (a.d.g.) – 12.02.2025
