5
Ancjemò problemis pe aghe intes vals dal Nadison. Cetancj residents di Mersin, frazion di Pulfar, a segnalin ancjemò odôrs bruts che a rivin de aghe dai lôr rubinets, daspò che a son passâts 6 dîs de revoche de ordenance che e improibive di doprâ la aghe e a 40 dîs di cuant che e je tacade la emergjence causade di un erôr fat di un tecnic che al stave fasint manutenzion a une pompe.
La situazion e cambie une vore di cjase in cjase e no cjape dentri ducj e 50 i residents di Mersin Disore e Disot. Invezit a Ieronizza, borgade di 15 abitants di Savogne, i pacuts di aghe a vegnin ancjemò puartâts, ma i abitants si lamentin pe puce di biossit di clori doprât par sanificâ lis condotis. (a.d.g.) – 25.11.2024
